مه‌ودا میدیا -

سه‌رچاوه‌كانی هه‌واڵ بڵاویانكرده‌وه‌، به‌هۆی هه‌وره‌بروسكه‌وه‌ كه‌ له‌ بنكه‌یه‌كی سه‌ربازیی هێزه‌كانی پێشمه‌رگه‌ی داوه‌ له‌ سنوری پارێزگای دهۆك، سێ پێشمه‌رگه‌ برینداربوون.

سه‌رچاوه‌ ته‌ندروستییه‌كانی پارێزگای دهۆك ئاماژه‌یان به‌وه‌كردووه‌، دووان له‌و پێشمه‌رگانه‌ی هه‌وره‌بروسكه‌ لێیداون، ره‌وانه‌ی نه‌خۆشخانه‌ی دهۆك كراون كه‌ قاچی یه‌كێكیان شكاوه‌ و تووشی بێهۆشیی بووه‌ به‌هۆی ترسه‌وه‌ و سێیه‌میشیان یه‌كێك له‌ قاچه‌كانی سوتاوه‌. 

به‌رێوه‌به‌رایه‌تی ته‌ندروستیی دهۆك رایگه‌یاند، رێژه‌ی سوتانه‌كانیان كه‌مه‌ و له‌ژێر چاودێریی ته‌ندروستییدان.