مەودا میدیا-

وەزیری تەندروستی سوریا یەکەم حاڵەتی تووشبوون بە ڤایرۆسی کۆرۆنای لە وڵاتەکەی راگەیاند، کە ژنێکی تەمەن 20 ساڵانە و خراوەتە ژێر چاودێرییەوە.

نزار یازجی، وەزیری تەندروستی سوریا رایگەیاند "یەکەم حاڵەتی تووشبوون بە ڤایرۆسی کۆرۆنا لە سوریا تۆمار کرا کە ژنێکی تەمەن 20 ساڵە و خراوەتە ژێر چاودێرییەوە".

جێگای ئاماژەیە، ڤایرۆسی کۆرۆنا زۆربەی زۆری وڵاتانی جیهانی گرتووەتەوە و کە بە هۆیەوە ژمارەیەکی زۆری هاوڵاتییان گیانیان لەدەستداوە بە تایبەت لە وڵاتی چین و ئیتاڵیا.