مەودا میدیا-

ئەمڕۆ سێشەممە لەگەڵ كردنەوەی بازاڕی دۆلارەكەی شاری سلێمانی نرخی دۆلار بەرزبوونەوەی تۆماركرد.

ئیبراهیم غەفور، خاوەنی نوسینگەی ئاڵوگۆڕی دراو لە بازاڕی دۆلارەكەی سلێمانی بە مەودا میدیای راگەیاند "كاتژمێری 11ی پێش نیوەڕۆی ئەمڕۆ سێشەممە بازاڕی دۆلارەكەی سلێمانی كرایەوە و بەشێكی زۆر لە دوكانەكانیش نوسینگەو كۆمپانیاكانیان كردەوە".

ئەوەشی خستەڕوو "لەگەڵ كردنەوەی بازاڕ، نرخی دۆلار بەرزبووەتەوەو بۆ 100 دۆلار بە 123 هەزار دینارەو زیاتریش بەرزدەبێتەوە".

هۆكاری بەرزبوونەوەی دۆلاریشی بۆ ئەوە گەڕاندەوە هاوڵاتیان پارەیان پێیە و بۆرسەی جیهانیش نییە، پێشی وابوو بەو شێوەیە بەردەوام بێت لە رۆژانی داهاتوو زیاتر بەرزدەبێتەوە.