مەودا میدیا-
بەهۆی ئەو هێرشەی كە كرایەسەر دۆناڵد ترەمپ، كاندیدی كۆمارییەكان بۆ هەڵبژاردنی سەرۆكایەتی ئەمریكا، نرخی نەوت لە بازاڕەكانی جیهاندا دابەزی.

بەیانی ئەمڕۆ لە كاتی كردنەوەی بازاڕەكان، نرخی یەك بەرمیل نەوتی برێنتی دەریای باكوور بە 84 دۆلار و 48 سەنت مامەڵەی پێوەكرا و نرخی یەك بەرمیل نەوتی سووكی تەكساسی ئەمریكاش بە 81 دۆلار و 65 سەنت مامەڵەی پێوەكرا. 

هاوكات هەر لە یەكەم رۆژی كردنەوەی بازاڕەكان، بەیانی ئەمڕۆ بەهای دۆلار بەرامبەر بە دراوە سەرەكییەكانی جیهان بەرزبووەوە. 
 
بەپێی وتەی شارەزاریان هۆكاری دابەزینی نرخی نەوت و بەرزبوونەوەی بەهای دۆلار بۆ ئەو هێرشە دەگەڕێتەوە كە كرایە سەر دۆناڵد ترەمپ، كاندیدی كۆمارییەكان بۆ هەڵبژاردنی سەرۆكایەتی ئەمریكا، چونكە نادڵنیایی سیاسی لە ئەمریكا زیادیكردووە.
ئ.پ