مەودا میدیا-

بەپێی هەواڵێكی سایتی سی ئێن ئێنی ئەمریكی، كۆی تووشبووانی كۆرۆنا لە وڵاتی ئەمریكا بۆ سەرو 500 هەزار كەس بەرزبووەتەوە و ئامارەكەش لە زیادبووندایە.

سایتەكە باسی لەوەكردووە "تەنها لە ماوەی رۆژی پێنجشەممە، لە ئەمریكا نزیكەی دوو هەزار كەس لە ئەمریكا بە ڤایرۆسی كۆرۆنا گیانیان لەدەستداوە و كۆی ئەوانەشی تائێستا لە وڵاتەكە بەو ڤایرۆسە مردوون بۆ نزیكەی 19 هەزار كەس بەرزبووەتەوە".

لەوڵاتی ئەمریكا رۆژانە سەرو 10 هەزار كەس بۆ 15 هەزار كەس تووشی ڤایرۆسی كۆرۆنا دەبن و زۆرترین مردنیش لە نیویۆركی ئەو وڵاتە تۆماردەكرێت كە گەشیشتوەتە 10 هەزار كەس.