مەودا میدیا-

بەرەبەیانی ئەمڕۆ بوومەلەرزەیەک شاری سلێمانی و دەوربەری هەژاند بەڕێوەبەرایەتی کەشناسی هەرێمی کوردستانیش رایدەگەیەنێت بوومەلەرزەکە سلێمانی و چەمچەماڵی گرتووەتەوە.

بەڕێوەبەرایەتی کەشناسی هەرێمی کوردستان لە راگەیاندراوێکدا بڵاویکردەوە و رایگەیاند "لە 17ی ئایاری 2020 کاتژمێر 4:05 خولەکی شەو بەکاتی هەولێر بوومەلەرزەیەک بە گوڕی 3.7 پلە بە پێوەری رێختەر بە قوڵایی 14 کم دووری 24 کم لە چەمچەماڵ و 32 کم لە سلێمانی روویدا".

جێگای ئاماژەیە لە ماوەی ئەم مانگەدا ئەمە دووەمین جارە بوومەلەرزە لە شاری سلێمانی دەوروبەری رووبدات و جاری پێشوو چەندی زیانی ماددی لێکەوتەوە، بەڵام ئەمجارە هیچ زیانێکی نەبووە.