مەودا میدیا-

ئەمڕۆ یەكشەممە، لیژنەی بەرەنگاربوونەوەی ڤایرۆسی كۆرۆنا لە شاری سلێمانی كۆبوونەوە و بەپێی بڕیارەكان بڕیاری قەدەغەی هاتووچۆ رەتكراوەتەوە.

بە سەرپەرشتی هەڤاڵ ئەبوبەكر، پارێزگاری سلێمانی و بە ئامادەبوونی سەباح هەورامی، بەڕێوەبەری تەندورستی سلێمانی و ئاوات محەمەد، قایمقامی سلێمانی  و لایەنە پەیوەندیدارەكان لیژنەی بەرەنگاربوونەوەی ڤایرۆسی كۆرۆنا كۆبوونەوە.

لە كۆبوونەوەكەدا بڕیار دراوە لە رۆژانی جەژن هاتووچۆ ئاسایی بێت و هاتووچۆ لەنێوان قەزا و ناحیە و شارەكان بەردەوام بێت.

هەروەها پێشنیاز كرابوو قەدەغەی هاتوچۆ لە رۆژانی جەژن بەردەوام بێت، بەڵام بە زۆرینەی دەنگ ئەو پێشنیازە رەتكراوەتەوە.