مەودا میدیا-

سكرتێری مه‌كته‌بی سیاسی پارتی دیموكراتی كوردستان رایدەگەیەنێت  ئەگەر دەوڵەتمان هەبوایە بە داهاتی ناوخۆ دەمانتوانی مووچە بدەین ئاماژە بەوەشدەکات دوای جه‌ژن كۆبوونه‌وه‌ی هه‌ردوو مه‌كته‌بی سیاسی یەکێتیی نیشتیمانیی کوردستان و پارتی دیموکراتی کوردستان ده‌كرێت.

فازڵ میرانی، سكرتێری مه‌كته‌بی سیاسی پارتی دیموكراتی كوردستان سەبارەت بە پەیوەندی نێوان پارتی و یەکێتی بە دەنگی ئەمریکای راگەیاندووە "په‌یوه‌ندی پارتی و یه‌كێتی، په‌یوه‌ندیه‌كی ستراتیژییه‌ ئه‌گه‌ر له‌ڕووی مه‌سه‌له‌ی نه‌ته‌وایه‌تی و ده‌ستكه‌وتی بزاڤی ڕزگاری خوازی كوردستانه‌وه‌ سه‌یری بكه‌ین، سه‌ر هه‌وراز و سه‌ر نشێو هه‌یه‌ له‌و په‌یوه‌ندیه‌دا".

ئاماژەی بەوەشکردووە "دوای جه‌ژن كۆبوونه‌وه‌ی هه‌ردوو مه‌كته‌بی سیاسی یەکێتیی نیشتیمانیی کوردستان و پارتی دیموکراتی کوردستان ده‌كرێت".

میرانی وتویەتی "ئێمه‌ ئه‌گه‌ر ده‌وڵه‌تمان هه‌بووایه‌، ته‌نها به‌ داهاتی نه‌وتی خۆمان ده‌مان توانی مووچه‌ی خۆمان بده‌ین‌، له‌به‌ر ئێستاش من ده‌ڵێم خۆزگه‌ كوردیش ده‌وڵه‌تی خۆی هه‌بووایه‌ با شه‌ش مانگ-یش مووچه‌مان وه‌رنه‌گرتایه".