مه‌ودا میدیا-

قایمقامیه‌تی قه‌زای ناوه‌ندی سلێمانی نرخی كرێی موەلیده‌ ئه‌هلییه‌كانی بۆ مانگی كانوونی یه‌كه‌می 2019 دیاریكرد و خشته‌ی كاركردنی موەلیده‌ ئه‌هلییه‌كانی بۆ مانگی كانوونی دووه‌می 2020 بڵاوكرده‌وه‌.

به‌پێی راگه‌یه‌ندراوێكی قایمقامیه‌تی قه‌زای ناوه‌ندی سلێمانی، نرخی 1 كاتژمێر پێدانی كاره‌بای موەلیده‌ بۆ مانگی كانوونی یه‌كه‌می 2019 به‌ (39.26) سی و نۆ دینار و بیست و شه‌ش فلس دیاریكراوه‌، به‌تێكڕایی موەلیده‌كان له‌نێوان (260) بۆ (320) كاتژمێر له‌ مانگی رابردوودا كاریانكردووه‌.

به‌پێی راگه‌یه‌ندراوه‌كه‌ی قایمقامیه‌تی سلێمانی خشته‌ی پێدانی كاره‌بای موەلیده‌ له‌ مانگی كانوونی دووه‌می 2020، كاتژمێر (6:30) بۆ (8) ی به‌یانی و له‌ كاتژمێر (1) ی پاش نیوه‌ڕۆ تا (1) ی شه‌و كارده‌كه‌ن، رۆژانی هه‌ینی به‌یانیان موەلیده‌كان كارناكه‌ن و له‌بری ئه‌وه‌ له‌ كاتژمێر (11) ی پێش نیوه‌ڕۆ كاره‌با به‌ هاوڵاتیان ده‌ده‌ن.