مەودا میدیا- سەركۆ جەمال

 كۆشكی سپی راگەیەندراوی هاوبەشی كۆبوونەوەی دۆناڵد ترەمپ، سەرۆكی ئەمەریكا و مستەفا كازمی، سەرۆك وەزیرانی عیراقی بڵاوكردەوە، رایدەگەیەنێت "عیراق و ئەمەریكا پێكەوەكاركردن لە بوارەكانی ئابووری، مرۆیی، سیاسی و كەلتووریش پەرەپێدەدەن".

لە راگەیەندراوەكەی كۆشكی سپیدا هاتووە "ئەمەریكا و عیراق پێكەوە و لە نزیكەوە كاردەكەن بۆ دڵنیابوونەوە لەوەی داعش ناتوانێت ببێتەوە هەڕەشە بۆسەر عیراق و وڵاتانی دیكە، عیراق و ئەمەریكا پێكەوەكاركردن لە بوارەكانی ئابووری، مرۆیی، سیاسی و كەلتووری پەرەپێدەدەن". 

 هەر لە راگەیەندراوەكەدا ئەوەشخراوەتەڕوو "هاوبەشیی ستراتیژیی نێوان ویلایەتە یەكگرتووەكان و عیراق پشت بە ویستی هاوبەش بۆ ئاسایش و خۆشگوزەرانی دەبەستێت و عیراقێكی خۆشگوزەران و سەقامگیر دەبێتە هێزێكی دابینكەری سەقامگیری بۆ رۆژهەڵاتی ناوەڕاست".