مەودا میدیا-
ئەمڕۆ ئەنجومەنی وەزیرانی عیراق بە سەرۆکایەتیی عەلی زەیدی کۆدەبێتەوە و یەکێک لە بڕەگەکانی کۆبوونەوەکەش لابردنی سفرەکانی سەر دینارە.
سەرچاوەیەک لە حکومەتی عیراق رایگەیاند “ئەمڕۆ ئەنجومەنی وەزیران بڕیار لە لابردنی سێ سفری سەر دینار دەدات، دوای پەسەندکردنی بڕیارەکەش، پڕۆژەکە رەوانەی پەرلەمان دەکرێت”.
ئاماژەی بۆ ئەوەشکرد “پەرلەمان قەبارە، شێوە و وردەکارییەکانی تری دراوە نوێیەکە تاوتوێ دەکات و گۆڕینی دراوەکە و جێبەجێکردنی پڕۆژەکە نزیکەی 250 ملیۆن دۆلاری تێدەچێت”.
ئەوەشی خستەڕوو “ئامادەکاریی دەکرێت بۆ ئەوەی پێش پەسەندکردنی یاسای بودجەی 2027، گۆڕینی دراوەکە لە پەرلەمان یەکلایی بکرێتەوە و بودجەی نوی لەسەر بنەمای دراوە نوێیەکە دابڕێژرێت”.
ب ح
