مەودا میدیا-
دەزگای دژەتیرۆری عیراق ئاشکرایکرد بە قووڵی پەشیمانی خۆی بۆ ئەو زیانانە دەردەبڕێت کە بەسەر هاوڵاتییاندا هاتووە و سەرەخۆشی لە دڵەوە و هاوخەمی دڵسۆزانە ئاڕاستەی کەسوکاری ئەو دوو شەهیدە دەکات، راستەوخۆ دوای رووداوەکە، و لەسەر فەرمانی فەرماندەی گشتیی هێزە چەکدارەکان، لیژنەیەکی لێکۆڵینەوەی هاوبەش پێکهێنراوە.
دەزگای دژەتیرۆری عیراق رایگەیاند “ئۆپەراسیۆنەکە لە چوارچێوەی ئەرکی نیشتمانی ئەنجامدراوە بۆ بەرەنگاربوونەوەی تیرۆریستان و پووچەڵکردنەوەی پلانەکانیان، بەلام هێزەکەی دژە تیرۆر لە ناوچەیەکی نیشتەجێبوونی چڕدا راوەدوی دوو تیرۆریستیانداوە، کە یەکێکیان پشتێنی بۆمبڕێکراوی پێوەبووە و ئەوی تریش چەکدار بووە، بەنیازبوون کردەی تیرۆریستی لەنێوان خەڵکی مەدەنیدا بکەن”.
ئاماژەی بۆ ئەوەشکرد “دووپاتی دەکەنەوە کە پاراستنی هاوڵاتییان و پاراستنی ژیان و سەلامەتییان ئەرکی سەرەکییە و پابەندە بە یاسا و رێسا کارپێکراوەکان، هەروەها بە بەرپرسیارێتی نیشتمانی و پیشەیی لە جێبەجێکردنی ئەرکەکانیدا، هاوکات دڵنیابوون لە ئاشکراکردنی تەواوی راستییەکان و گرتنەبەری رێوشوێنی پێویست لە ژێر ڕۆشنایی دەرەنجامەکانی لێکۆڵینەوەکە”.
ب ح
