مه‌ودا میدیا-
راپرسییەکی نوێ کە لەلایەن ڤۆژنامەی واشنتۆن پۆست و ئەی بی سی نیوز و ئیپسۆسەوە ئەنجامدراوە دەریدەخات ڤێژەی پەسەندکردنی دۆناڵد ترەمپ بۆ 33% دابەزیوە، ئەمەش لە کاتێکدایە کە ناڕەزایی لە ئاستی ئابوورییەکەی و شەڕی لەگەڵ ئێران و دەستکەوتەکانی دیموکراتەکان لە کێبڕکێی کۆنترۆڵکردنی ئەنجومەنی نوێنەران پێش هەڵبژاردنە ناوەڕاستەکانی مانگی داهاتووی مانگی داهاتوو.
بەگوێرەی ڤاپرسییەکە، لەسەدا ٦٦ى ئەمه‌ریکییەکان رەزامەندییان لەسەر ئەدای ترەمپ نییە، لەسەدا 52ى ئەمه‌ریکاش پەسەندی ناکەن، رێژەی پەسەندکردنی لە مانگی تەمموزەوە بە رێژەی 4 خاڵ دابەزیوە و بە بەراورد بە هەمان ماوەی ساڵی رابردوو 8 خاڵ دابەزیوە.
ئەمە کەمترین رێژەی پەسەندکردنە کە ترەمپ لە ماوەی خولی یەکەمیدا تۆماری کردبێت، لەنێو ئەو دەنگدەرانەی ئەگەری هەیە، رێژەی پەسەندکردنی لەسەدا 38یه، لەکاتێکدا لەسەدا 62 پەسەندی ناکەن.
هەروەها لە راپرسییەکەدا دەرکەوتووە کە لە سەدا 72ى ئەمه‌ریکییەکان پێیان وایە وڵاتەکە بەرەو ئاراستەیەکی هەڵە دەڕوات، کە لە مانگی نیسانەوە بە رێژەی 5 خاڵ زیادی کردووە,
ئابووری و شەڕ لەگەڵ ئێران
دەرەنجامەکان دەریانخست کە فشارە ئابوریەکان و کاردانەوەکانی شەڕى لەگەڵ ئێران بەتایبەت بەرزبوونەوەی نرخی بەنزین و تێچووی ژیان هۆکاری سەرەکی پشت دابەزینی جەماوەری تره‌مپن.
رێژەی رەزامەندی سەرۆک کۆمار لەسەر ئابوری بۆ 28% دابەزیوە، لەکاتێکدا لە مانگی تەمموزدا 33% بووە و مانگی شوباتی ڕابردووش 41% بووە.
هەروەها نزیکەی سێ لەسەر چواری ئەمریکییەکان ناڕەزایی خۆیان دەربڕی بەرانبەر بە مامەڵەی ترەمپ لەگەڵ هەڵاوسان و بەرزبوونەوەی تێچووی ژیان.
لەسەدا ٤٨ی بەشداربووان ڕایانگەیاندووە کە دۆخی داراییان خراپترە لەوەی کە ترەمپ لە مانگی یەکی ساڵی 2025 دەگەڕێتەوە کۆشکی سپی.
ع
