مهودا میدیا-
ڤلادیمێر پوتین، سەرۆکی روسیا راپۆرتێکی لە سێرگی کاراکایڤ، فەرماندەی هێزە ستراتیژییەکانی مووشەکەوە سەبارەت بە تاقیکردنەوەی سیستەمی مووشەکی سارمات پێگەیشتووه.
پوتین جەختی لەوە کردەوە کە سارمات بەهێزترین سیستەمی مووشەکییە لە جیهاندا، کە توانای کۆی سەرە جەنگییەکانی زیاتر لە چوار هێندەی هەر سیستەمێکی رۆژئاوایی بەراوردکارییە.
پوتین ئاشکرای کردووه “مەودای مووشەکی سارمات لە 35 هەزار کیلۆمەتر زیاترە، ئاماژەی بەوەدا کە دەتوانێت نەک تەنها لەسەر رێڕەوی بالیستی بەڵکو لەسەر رێڕەوی ژێر خولگەییش بفڕێت.
له لێدوانێكیدا پوتین وتى “سیستەمی سارمات لە دەسەڵاتدا بەراورد دەکرێت بە سیستەمی ڤۆیڤۆدا کە لە لایەن سۆڤیەت دروستکراوە و تا ئێستاش لە روسیا لە خزمەتدایە”.
ع
