مەرجەکانی ئەمەریکا و داواکارییەکانی ئێران بڵاوکرایەوە

مەودا میدیا-

ئاژانسی هەواڵی فارس مەرجەکانی ئەمەریکا و داواکارییەکانی ئێرانی بۆ دەستپێکردنەوەی دانووستانەکانی نێوانیان بڵاوکردەوە کە لە چەند خاڵیک پێکهاتووە.

ئاژانسی هەواڵی فارس رایگەیاند “ئەگەر ئێران ئەم مەرجانەش جێبەجێ بکات، هێشتا مەترسی هێرشی ئەمەریکا و ئیسرائیل بۆ سەر ئەو وڵاتەکە دەمێنێت”.

یەکەم: مەرجەکانی ئەمەریکا لەم خاڵانە پێکهاتووە:

1- دەبێت ئێران بڕی 400 کیلۆگرام لە یۆرانیۆمی پیتێنراوی وڵاتەکەی رادەستی ئەمەریکا بکات.

2- بەهیچ شێوەیەک قەرەبوو یان تێچووی زیانەکانی جەنگ بۆ ئێران ناکەینەوە.

3- ئەمەریکا تەنها رێگە بە مانەوەی یەک بنکەی ئەتۆمی ئێران دەدات.

4- ئەمەریکا رێژەی 25%ی پارە بلۆککراوەکانی ئێران ئازاد ناکات.

5- دەسپێکردنی دانووستانەکان بەستراوە بە راگرتنی جەنگ لە هەموو بەرەکاندا.

ئاژانسەکە لە بەرانبەر مەرجەکانی ئەمەریکا داواکارییەکانی ئێرانی خستووەتەڕوو کە لە چەند خاڵیک پێکهاتووە:

1- قەرەبووکردنەوەی هەموو ئەو زیانانەی بەهۆی جەنگەوە بەر ئێران کەوتوون.

2- هەڵگرتنی هەموو ئەو گەمارۆ و سزا ئابوورییەکانی سەر ئێران.

3- ئازادکردنی سەرجەم پارە بلۆککراوەکانی ئێران لە وڵاتانی جیهان.

4- کۆتاییهێنان بە جەنگ لە هەموو بەرەکاندا، بەتایبەتی لە لوبنان.

5- داننان بە سەروەریی تەواوی ئێران بەسەر گەرووی هورمزدا.

ب ح