مەودا میدیا-
باسم محەممەد، وەزیری نەوتی عیراق رایگەیاند “هەوڵی چڕ دەدەن بۆ زیادكردنی رێژەی بەرهەمهێنان و هەناردەكردن بەمەبەستی پاڵپشتیكردنی ئابووریی نیشتمانی”.
وەزیری نەوتی عیراق وتی “زیادكردنی رێژەی بەرهەمهێنان و هەناردەكردن بەشێكە لە پلانەكانی وەزارەت و حكومەت بۆ بەرزكردنەوەی داهاتی دارایی، كە لە بەرامبەردا حكومەت دەتوانێت خزمەتگوزاری پێشكەش بكات لە سەرانسەری كەرتە جیاوازەكاندا”.
جەختی لەوەش كردەوە “بەرپرسانی ناو دامەزراوە نەوتییەكان دەبێت رۆڵی سەركردایەتی خۆیان بەجێبهێنن و بڕیار بدەن كە بەشداربن لە پەرەپێدانی كارەكان لە سەرانسەری چوار كەرتەكەی وەزارەتەكەدا.”
هەروەها جەختی كردەوە لەسەر “گرنگی دوو هێندەكردنی هەوڵەكان و گرتنەبەری رێوشوێن و بڕیارێك كە قەبارەی بەرهەمهێنانی نەوت بەرزبكاتەوە و رێژەی هەناردەكردن زیاد بكات بۆ پاڵپشتی ئابووریی نیشتمانی”.
ئ پ
