مەودا میدیا-
دەسەڵاتی دادوەریی عیراق ئاشکرایکرد هەوڵەکانیان بۆ دادگاییکردنی هەزار و 387 ئەندامی تیرۆریستی داعش دەستیپێکردووە کە لە سوریاوە گەڕێندراونەتەوە.
دەسەڵاتی دادوەریی عیراق رایگەیاند “مامەڵەکردن لەگەڵ دەستگیرکراوان لە چوارچێوەی یاسایی و مرۆیی پەسەندکراو و بەپێی یاسا نیشتمانییەکان و پێوەرە نێودەوڵەتییەکان ئەنجامدەدرێت”.
ئاماژەی بۆ ئەوەشکرد “لێکۆڵینەوەکان هاوتەریبە لەگەڵ هەماهەنگی نێودەوڵەتیی بە ئامانجی چارەسەرکردنی پرسی توخمە تیرۆریستییەکانی داعش و تاوانەکان کە جینۆساید و تاوانی دژ بە مرۆڤایەتییان ئەنجامداوە”.
ئەوەشی خستەڕوو “پێشبینی دەکرێت زیاتر لە حەوت هەزار ئەندامی تیرۆریستی داعش رادەستی عیراق بکرێنەوە و بەڵگەی پێشتر لەسەر دۆسییەی تیرۆریستەکان کە ئەرشیفکراوە پێشکەش بە دادگاکان دەکرێت”.
ب ح
