مەودا میدیا-
سەرۆکی پارتی سۆسیال دیموکراتی کوردستان ئاشکرایکرد شەڕێکی نەخوازراو لە لایەن ئەمەریکا و ئیسرائیلەوە لە دژی کۆماری ئیسلامیی ئێران بەسەر ناوچەکەدا سەپێنراوە و پێی ناوەتە دەیەی دووهەمی و تەواوی ناوچەکەی گرتووەتەوە بە هەرێمی کوردستانیشەوە.
محەمەد حاجی مەحمود، سەرۆکی پارتی سۆسیال دیموکراتی کوردستان رایگەیاند “ناکرێت کوردستان ببێتە مەیدانی شەڕێک کە شەڕی کورد نییە و ئاشکرایە کە توانای یاریکرنی لەنێوان ئەو وڵاتە زلهێزانەدا نییە”.
ئاماژەی بۆ ئەوەشکرد “داوا لەسەرجەم هێز و لایەنە سیاسییەکان دەکات کە بەرژەوەندییە حزبییەکان وەلاوە بنێن و هەوڵەکانیان بخەنەگەڕ بۆ ئەنجامدانی کۆبوونەوەیەکی فراوانی سەرجەم هێز و لایەنە سیاسییە کوردستانییەکان لە نزیکترین دەرفەتدا وەک زەروریەتێکی حەتمی قۆناغەکە بۆ پاراستنی سەروەریی و دەستکەوتەکانی کوردستان”.
ئەوەشی خستەڕوو “هەوڵبدرێت بۆ راگرتنی ئەو هێرشە ناڕەوایانەی کە لەسەر هەرێمی کوردستان دەکرێن لەلایەن ئەو لایەنانەی کە هەوڵدەدەن خۆیان بخەنەناو ململانێکە و خۆیان و وڵاتەکەیان دەخەنەژێر مەترسی گەورە”.
ب ح
