مهودا میدیا-
راپۆرتێکی نوێی سی ئێن ئێنى ئهمهریكى، بەرگرییە ئاسمانییە پێشکەوتووەکانی باڵیۆزخانەی ئەمهریکا لە بەغدا ئاشکرا دەکات، بەتایبەتی بە لەبەرچاوگرتنی پێگەی باڵیۆزخانەی ئەمهریکا وەک ئامانجێکی سەرەکی بۆ گروپهكانى سەر بە ئێران.
بەگوێرەی راپۆرتەکە، باڵیۆزخانەی ئەمهریکا لە بەغدا لە سیستەمێکی بەرگریی ئاسمانی کەڵک وەردەگرێت کە توانای رێگریکردنی مووشەک و تۆپخانە و هاوەنەکانی هەیە، ئەم سیستەمە دەتوانێت لە خولەکێکدا هەزاران گوللە بتهقێنێت بۆ پاراستنی دامەزراوەکانی لە هێرشی دووبارەی گروپهكانى سەر بە ئێران.
لە سەرەتای هێرشی ئەمهریکا و ئیسرائیل بۆ سەر ئێران، باڵیۆزخانەی ئەمهریکا لە بەغدا کە یەکێکە لە گەورەترین دامەزراوە دیپلۆماسییەکانی ئەمهریکا لە جیهاندا، بووەتە ئامانجی تاران و گروپهه هاوپەیمانەکانی، کە چەندین جار بە مووشەک و فڕۆکەی بێفڕۆکەوان هێرشیان کردووەتە سەری.
باڵیۆزخانەکە سیستەمی سی رام بەکاردەهێنێت بۆ بەرپەرچدانەوەی مووشەک و تۆپخانە و هاوەن، سیستەمەکە دەمانچەیەکی گاتلینگی 20ملم لەخۆدەگرێت کە توانای تەقاندنی نزیکەی 4500 گوللەی هەیە لە خولەکێکدا.
ئەم سیستەمە لەگەڵ رادار و هەستەوەر و یەکەکانی پەیوەندیکردندا یەکدەگرێتەوە و لەسەر ترێلێرێکی 35 تۆنی دانراوە، ئەمەش وای لێدەکات بتوانێت بەدەوری خۆیدا بجوڵێت و بە خێرایی ئامانجە هاتووەکان دەستنیشان بکات و لەناویان ببات، بەپێی راپۆرتێکی هاوپەیمانی بەرگری مووشەکی (MDAI) کە سی ئێن ئێن ئاماژەی پێکردووە.
گوللە 20 ملمەکان بە توانای چوونە ناو زرێپۆشی سوک و تەقینەوە جیا دەکرێنەوە، ئەمەش وایکردووە کە هەمەلایەنە بن بۆ ئامانجکردنی هەردوو ئامانجی ئاسمانی و زەمینی لە مەودای دووری تا 2000 مەتر، بەپێی وتەی بەرهەمهێنەری کۆمپانیای جەنەراڵ داینامیکس.
لە راپۆرتەکەدا هاتووە، لە ئەگەری لەدەستدانی گوللەکان، میکانیزمێکی خۆ لەناوبردنیان هەیە بۆ رێگریکردن لە زیانەکانی نەخوازراو.
ئەم سیستەمە وەرگیراو لە سیستەمی چەکی نزیک لە جۆری Phalanx کە لەلایەن هێزی دەریایی ئەمهریکاوە بەکاردەهێنرێت، کە وەک دوا هێڵی بەرگریی بۆ کەشتییە جەنگییەکان لە بەرامبەر مووشەکی کروز یان ئامانجە سەرزەویەکان کە توانای چوونە ناو سیستەمی بەرگری دوور مەودایان هەیە، کاردەکات.
ع
