مەودا میدیا-
وتەبێژی وەزارەتی نەوتی عیراق ئاشکرایکرد نۆژەنکردنەوەی بۆری نەوتی خاوی فیشخابوور – جەیهان لە قۆناغی کۆتایی نزیک بووەتەوە کە توانای هەناردەکردنی یەک ملیۆن و 600 هەزار بەرمیل نەوتی لە رۆژێکدا هەیە.
ساحب بەزون، وتەبێژی وەزارەتی نەوتی عیراق رایگەیاند “ئامانج لە نۆژەنکردنەوەی بۆری فیشخابوور – جەیهان، بەرزکردنەوەی توانای هەناردەکردنی وڵاتە و هۆکاری دواکەوتنی کارکردن لە پڕۆژەکە بۆ رێکارە تەکنیکییەکان دەگەڕێتەوە”.
ئاماژەی بۆ ئەوەشکرد “بۆرییەکە تووشی هیچ کێشەیەکی نەبووە، بەڵام بۆ ماوەیەکی زۆر پشتگوێخراوەو لەکاتی شەڕی داعشدا زیانی بەرکەوتووەو پێویستی بەپشکنین و چاککردنەوە هەیە”.
ئەوەشی خستەڕوو “بۆرییەکە بەتوانای 600 هەزار بەرمیل لە رۆژێکدا دەستپێدەکات و دوتر دەگاتە یەک ملیۆن و 600 هەزار بەرمیل، ئەمەش دەبێتەهۆی بەرزبوونەوەی ئاستی هەناردەکردنی نەوت لە رێگەی بۆرییەوە”.
ب ح
