مهودا میدیا
فەرماندەیی ناوەندیی ئەمهریکا رایگەیاند، هێزەکانی ئەمهریکا رێگرییان لە چەند مووشەکێکی بالیستیکی و فڕۆکەی بێفڕۆکەوان کرد کە لەلایەن ئێرانەوە هەڵدرابوون و پشتڕاستی کردەوە کە هەموو هێرشەکان نەیانتوانیوە ئامانجەکانیان بپێكن.
فەرماندەیی ناوەندی لە بەیاننامەیەکدا رایگەیاندووە کە هێزەکانی ئەمهریکا لە کاردانەوە بە هەوڵی هێرشەکانی تاران کە لە چەند کاتژمێری رابردوودا دەستیان پێکردبوو، هێرشیان کردە سەر دوورگەی قەشمی ئێران.
ئەوەشی خستۆتەڕوو، ئێران مووشەکی بالیستیکی بەرەو چەند وڵاتێکی دراوسێی هەڵداوە، بەڵام هیچ کامیان ئامانجەکانیان نەپێکاوە.
فەرماندەیی ناوەندی روونیشیکردەوە، دوو مووشەکی ئێرانی بەرەو کوەیت رەوانە کراون، بەڵام لە ئامانجەکانیان کەمتر بوون یان لە فڕیندا لەناوچوون و هیچ زیانێکی پێنەگەیشتووە.
لە بەحرەین، فەرماندەیی ناوەندی پشتڕاستی کردەوە کە هێزەکانی ئەمهریکا بە هاوکاریی هێزەکانی بەحرەین، سێ مووشەکیان لهناوبردووه کە بەرەو شانشینی بەحرەین هەڵدرابوون.
هەروەها خستنەخوارەوەی سێ فڕۆکەی بێفڕۆکەوانی هێرشبەری راگەیاند کە لەلایەن ئێرانەوە بەرەو دەریاوانە مەدەنییەکان هەڵدرابوون، ئەمەش لە چوارچێوەی ئەو کارەی کە بە هەوڵدان بۆ پاراستنی کەشتیوانی و خەڵکی مەدەنی ناوچەکە وەسفی کرد.
دەسەڵاتدارانی ئێران دەستبەجێ هیچ لێدوانێکیان لەسەر ئەو بەیاننامەیەی فەرماندەیی ناوەندیی ئەمهریکا نەدا، چونکە ئەم پێشهاتانە لە کاتێکدایە کە گرژییە سەربازییەکان لە ناوچەکەدا پەرەی سەندووە و ئاڵوگۆڕی هێرشەکانی نێوان ئەمهریکا و ئێران دەکرێت.
ع
