مەودا میدیا-

بەڕێوەبەرایەتیی ئاوی سلێمانی ئاگاداری هاوڵاتییانی شاری سلێمانی و قەزای چەمچەماڵ دەکاتەوە کە دابەشکردنی ئاو لە گەڕەکەکان دوا دەکەوێت بەهۆی  کاری صیانە لە بەنداوی دوکان.

لە راگەیەنداراوێکدا بەڕێوەبەرایەتیی ئاوی سلێمانی "هاوڵاتییانی ناوشاری سلێمانی و  چەمچەماڵ و شۆڕش  ئاگادار دەکەین کە لەکاتژمێر 10 بەیانی تا کاتژمێر 4 پاش نیوەڕۆی  21ی ئەیلولی 2020  بەهۆی کاری سیانە لە بەنداوی دوکان و گرتنەوەی ئاوی بەنداوەکە بەرهەمهێنانی ئاو  بەبڕی 45 هەزار مەتر سێجا کەمی کردووە  کە دەبێتەهۆی دواکەوتنی دابەش کردنی ئاو لە گەڕەکەکانی  شاری سلێمانی  و چەمچەماڵ و شۆڕش".

لە کۆتایی راگەیەندراوەکەدا بەڕێوەبەرایەتیی ئاوی سلێمانی سوپاسی هاوڵاتییان دەکات کە هاوکارییان بکەن.

س.س