مەودا میدیا-

ئەمڕۆ لیژنە هاوبەشەکانی قایمقامیەت لە شاری کەلار  مارکێتێک دا دەستیان بەسەر بڕی بیست و چوار کیلۆ خۆراکی ماوە بەسەرچوودا گرت و پسوڵەی سزادانیان بۆ کرد.

لە راگەیەندراێکدا قایمقامی قەزای کەلار رایگەیاند "لە پێناو پاراستنی تەندروستی هاوڵاتییان لیژنە هاوبەشەکانی قایمقامیەتی قەزای کەلار شەو و رۆژ بەردەوامن لە سەردان و پشکنین و بەدواداچوون و پێدانی رێنمایی بە کاسبکاران لە سنووری قەزای کەلاری ناوەندی ئیدارەی گەرمیان، لەو چوارچێوەیەدا ئەمڕۆ دوو شەممە   لیژنە هاوبەشەکانی قایمقامیەتی قەزای کەلار، هەڵمەتێکی سەردان و پشکنینیان بۆ شوێنکارەکان  ئەنجامدا".

ئاماژە بەوەشکراوە "لەو هەڵمەتەدا سەردان و پشکنین بۆ زیاتر لە 70 شوێنکار کرا, لە ئەنجامدا لە مارکێتێکدا لە گەڕەکی شارەوانی 2 تیمی دووەمی لیژنە هاوبەشەکان  دەستیان گرت بەسەر بڕی بیست و چوار کیلۆ خۆراکی بەسەرچوودا، بەو هۆیەوە پسوڵەی سزادانیان بۆ خاوەنەکە کرد و بە پێی رێنماییەکان سزا دەدرێت".

هاوکات  ئەوەشی خستەڕوو "تیمی سێیەمی لیژنە هاوبەشەکان بە هۆی پابەندنەبوون بە رێنماییەکان پسوڵەی سزادانیان بۆ یەک شوێنکار لەناو بازاڕی شاری کەلاردا کرد".

س.س