مەودا میدیا- سەركۆ جەمال

بەڕێوەبەرایەتی ئاسایشی شارەزوور  سزادانی چوار تۆمەتباری راگەیاند، كە پێشتر بەهۆی كێشانی ماددەی هۆشبەرەوە لەلایەن ئاسایشەوە دەستگیركرابوون، سزاكەشیان جگە لە زیندانیكردن غەرامەش دەگرێتەوە.

لە راگەیەندراوێكی راگەیاندن و پەیوەندییەكانی بەڕێوەبەرایەتی ئاسایشی شارەزووردا هاتووە"دوای ئەوەی لە ماوەكانی پێشوودا چوار تۆمەتبارمان بە تۆمەتی كێشانی ماددەی هۆشبەر دەستگیركرد و رووبەڕووی یاسامان كردنەوە، لەبەرواری (15تا 21/9/2020) بەفەرمانی دادگای تاوانەكانی سلێمانی/2  لە (یاسای ماددە هۆشبەرەكان) ، سزای یاساییان بۆ دەركرا".

دەقی راگەیەندراوەكە
 بۆ بەڕێزان/  سەرجەم دەزگاكانی ڕاگەیاندن
بابەت / سزادانی چوار تۆمەتبار 
لە چوار چێوەی  هەڵمەتە چڕ و بەردەوامەكانی هێزەكانی بەڕێوەبەرایەتی  ئاسایشی شارەزوور ، بۆ نەهێشتنی دیاردە دزێو نەخوازراوەكان دوای ئەوەی لە ماوەكانی پێشوودا چوار تۆمەتبارمان بە تۆمەتی كێشانی ماددەی هۆشبەر دەستگیر كرد و ڕوبەڕوی یاسامان كردنەوە ،‌بۆیە لەبەرواری (15تا 21/9/2020) بەفەرمانی بەڕێز دادگای تاوانەكانی سلێمانی/2  بەپێی ماددەی (14/پانیا) لە (یاسای ماددە هۆشبەرەكان) ، سزیای یاساییان بۆدەركرا بەم شێوەیەی خوارە:- 
1- سزادراو (م.ب.غ) شەش مانگ زیندانی و بڕی (150000) سەدوو پەنجا هەزار دیناری عێراقی 
2- سزادراو (ب.ل.ف) شەش مانگ زیندانی و بڕی (150000) سەدوو پەنجا هەزار دیناری عێراقی
3- سزادراو (ه.ح.ع) شەش مانگ زیندانی و بڕی (150000) سەدوو پەنجا هەزار دیناری عێراقی
4- سزادراو (ز.ح.ع) شەش مانگ زیندانی و بڕی (150000) سەدوو پەنجا هەزار دیناری عێراقی

                                                              لەگەڵ ڕێزماندا...


                 بەشی ڕاگەیاندن و پەیوەندییەكان 

         24/9/2020