مەودا میدیا- سەركۆ جەمال

بەپێی بڕیارێكی بەڕێوەبەرایەتیی كارگێڕیی پەرلەمانی كوردستان، ‏بەكارهێنانی تۆڕە كۆمەڵایەتیەكانی سناپ چات، تیك تۆك و ئینستاگرام لەكاتی دەوامی ‏فەرمیدا لە فەرمانبەران قەدەغە كرا.‏

سامان ئەحمەد، بەڕێوەبەری راگەیاندن لە پەرلەمانی كوردستان بە بەمەودا میدیای راگەیاند "ئەو تۆڕە كۆمەڵایەتییانە لەكاتی دەوامی فەرمیدا لە فەرمانبەرانی ‏پەرلەمان قەدەغە كراون، دەبێت فەرمانبەر لەكاتی دەوامی ‏فەرمیدا خەریكی كاری خۆی بێت، نەك بەكارهێنانی تۆڕە ‏كۆمەڵایەتییەكان".

بەڕێوەبەری راگەیاندن لە پەرلەمانی كوردستان وتیشی  " فەرمانبەران دوای دەوام ئازادن چۆن تۆڕە كۆمەڵایەتییەكان ‏بەكاردەهێنن".

هەشت نووسینگەی پەرلەمان لە شار و شارۆچكەكانی هەرێمی كوردستان هەن، سامان ئەحمەد ئەوەشی خستەڕوو "ئەو ‏بڕیارە لەسەر فەرمانبەرانی نووسینگەكانی پەرلەمان لە شار‌ و ‏شارۆچكەكانی كوردستان بەبێ جیاوازی جێبەجێ دەكرێت".

جێی ئاماژەیە پەرلەمانی كوردستان جگە لە 111 پەرلەمانتار، نزیكەی 600 كارمەندی هەیە.