مەودا میدیا- سەركۆ جەمال

رێكخراوی یونسێف بۆ دروستكردنی چەند خوێندنگەیەك لە سنووری پارێزگای سلێمانی هاوكاری حكومەتی هەرێمی كوردستان دەكات.

ئەمڕۆ، د.هەڤاڵ ئەبوبەكر پارێزگاری سلێمانی، بەئامادەبوونی  وەزیری پەروەردەی حكومەتی هەرێمی كوردستان و بەڕێوەبەری گشتی پەروەردەی سلێمانی و بەڕێوەبەری پەروەردەی خۆرهەڵات، بەشداریكرد لە كردنەوەی بینای نوێی خوێندنگاكانی باریكە لە گوندی باریكەی ناحیەی تانجەرۆ، مەحمود جەودەت لە شاری رۆشنبیران و سەیرانی میرزا مەحمود لە گەڕەكی وڵوبە".

هەڤاڵ ئەبوبەكر لە فەیسبووكی خۆی نوسیویەتی " خوێندنگەكان لەسەر بودجەی پارێزگای سلێمانی و بە پشتیوانیی رێكخراوی یونسێف و كەسایەتیی و كەرتی تایبەتی نیشتمانیی دروستكراون".