مەودا میدیا- سەركۆ جەمال

سەرۆكی حكومەتی هەرێمی كوردستان پەیوەندییەكی تەلەفۆنی لەگەڵ سەرۆك وەزیرانی عیراق ئەنجامداوە، تیایدا باسیان لە هێرشە مووشەكیەكەی ئەمشەوی هەولێر كردووە.

بەپێی راگەیەندراوێكی حكومەتی هەرێمی كوردستان، مەسروور بارزانی سەرۆكی حكومەتی هەرێمی كوردستان لەبارەی هێرشەكانی ئەمشەوی هەولێر رایگەیاندووە "بە تووندی ئیدانەی هێرشەكە دەكات و حكومەتی هەرێمی كوردستان هیچ جۆرە هەوڵێك بۆ تێكدانی سەقامگیریی كوردستان قبووڵ ناكات و وەڵامیشمان بۆی زۆر تووند دەبێت".

 هەر لە راگەیەندراوەكەدا هاتووە " لەگەڵ مستەفا كازمی، سەرۆك وەزیرانی عیراق قسەی كردووە لەبارەی هێرشەكەوە و پێی وتووە دەبێت ئەنجامدەرانی سزابدرێن".