مەودا میدیا- سازگار ئەحمەد

دکتۆر ئاکۆ کەریم، پزیشکی گەشەی منداڵان لە بابەتێکدا باس لە هۆکاری زۆری لیکی منداڵان دەکات و ئاماژە بەوەدەکات، هەندێ منداڵ لیکیان زۆر ئەبێت دایم لیک بە دەمیان دێتە خوارەوە، ئەمەش ئاسایە هیج ترسی نییە گەر منداڵەکە شیرخواردن و گەشەی باش بێت، هەروەها لە کاتی ددان دەرهاتن و هەوکردنی ناو دەم لیککردن زیاتر دەبێـــــت.

هۆکارەکانـــــی

منداڵ تا تەمەنی 18 -24 مانگی ماسولکەی دەم و قوورگیان بەهێز نییە ناتوانی هەموو ئەو لیکەی هەیەتی قووتی بدات بۆیە برێکی دەردێتە دەرەوە، بەڵام دووای ئەو تەمەنە منداڵ توانای قووتدانی زۆرتر دەبێت بۆیە لیکیان زۆر کەم دەکـات.

تا تەمەنی 4 ساڵی منداڵ ئاسایە لیکن بێت بەڵام لە دوای ئەو تەمەنەوە بە هیج جۆرێ ئاسایی نییە بۆیە دەبێت پشکنینی بۆ بکــــــرێت، 

ئەو نەخۆشیانەی کە دەبێتە هۆی  لیکزۆری :

1- شەلەل دەمـــــاخ
2- ئۆتیـــــزم
3- جەلتەی دەمــــاخ 
4- نەخۆشی پوکانەوەی مێشــــــک
5- مەنگۆلـــــــی .
6- سستی ماسولکـــــــــە.

س.س