وه‌زاره‌تی‌ ته‌ندروستیی‌ و ژینگه‌ی‌ عیراق رایگەیاندووە، له‌ماوه‌ی‌ 24 كاتژمێری‌ رابردوودا دوو هه‌زار و 543 تووشبووی نوێی ڤایرۆسی كۆرۆنا تۆمارکراوە.

ئه‌مڕۆ هه‌ینی 20ی تشرینی‌ دووه‌می 2020، وه‌زاره‌تی ته‌ندروستیی عیراق، ئاماری‌ 24 كاتژمێری‌ رابردووی‌ بڵاوكرده‌وه‌ و به‌پێی‌ ئاماره‌كه‌، دوو هه‌زار و 543 تووشبووی نوێی ڤایرۆسی كۆرۆنا تۆمارکراوە، 49 كه‌سیش به‌هۆی ڤایرۆسی كۆرۆناوه‌ گیانیان له‌ده‌ستداوه.

هەر بەپێی ئامارەکان، دوو هه‌زار و 904 كه‌س كه‌ هه‌ڵگری ڤایرۆسه‌كه‌ بوون چاكبوونه‌ته‌وه‌ و كۆی گشتی ئەوانەی چاکبوونەتەوە گەیشتە 460 هه‌زار و 394 كه‌س.