مەودا میدیا- سازگار ئەحمەد

شۆفێرانی مەرزی نێودەوڵەتی پەروێزخان مانگرتنیان راگەیاند و هاتووچۆی بازرگانی لەمەرزەکە راگیرا نوێنەری شۆفێرانیش دەڵێت "ئێران رێگەمان نادەن بڕۆین".

حاجی عادل، نوێنەری شۆفێرانی مەرزی پەروێزخان بە مەودا میدیای راگەیاند "داواکاری ئێمە وەک شۆفێرانی مەرزی پەروێزخان ئەوەیە ئێران رێگەمان بدات بڕۆین، هەروەها ئێمە دەمانەوێت بڕۆین، بەڵام ناهێڵن".

نوێنەری شۆفێران وتیشی "ئێمە 18 بەش دەبین رۆژانە تەنها 2 بۆ 4 بەش دەڕوات، ئەمەش کارەکانی ئێمە دوا دەخات".

ئاماژەی بەوەشکرد "رۆژانە بەردەوام ئەم کارەنەمان بەرامبەر دەکرێت لەلایەن کار بەدەستانی ئێران لە مەرزی پەروێزخان".