مەودا میدیا-

لە ماوەی ساڵی رابردوو 2020دا دەیان کۆڵبەری کورد لە سنوورەکانی کوردستان بە تەقەی راستەوخۆی هێزە چەکدارەکانی ئێران و تورکیا کوژراون یان بریندارکراون.

بە پشتبەستن بە ئاماری تۆمارکراو لە ناوەندی ئامار و بەڵگەنامەکانی رێکخراوی مافی مرۆڤی هەنگاو، لە ساڵی 2020 لانیکەم 240 کۆڵبەر و کاسبکاری کورد لە سنوورەکانی کوردستان بوونەتە قوربانی کە 59 کەسیان گیانیان لەدەستداوە و 181 کەسیان برینداربوون, ئەو ئامارە بە بەراورد لەگەڵ ساڵی 2019 لانیکەم 3 حاڵەت زیادی کردووە.

بەرزبوونەوەی ژمارەی ئەو کۆڵبەرانەی کە ساڵی 2020 بە بەراوەرد لەگەڵ ساڵی 2019 بوونەتە قوربانی لە کاتێکدایە کە بە هۆی بڵاوبوونەوەی پەتای کۆرۆنا و داخرانی سنوورەکان، نزیکەی دوومانگ سنوورەکانی کۆڵبەری داخرابوون.

س.س