مەودا میدیا- سازگار ئەحمەد

ئێوارەی ئەمڕۆ لە گوندی حاسڵی قەزای شارەزوور بەهۆی تەقینەوەی نارنجۆکێکەوە باوکێک و کچێک و کوڕەکەی برینداربوون، دوای چارەسەری سەرەتایی رەوانە نەخۆشخانەی فریاکەوتنی سلێمانی کران.

کەمال ئەحمەد، لێپرسراوی بەشی راگەیاندنی نەخۆشخانەی شەهید رەئوف بەگ لە قەزای شارەزوور بە مەودا میدیای راگەیاند "ئێوارەی ئەمڕۆ هەینی 8ی کانونی دووەمی 2021 بەهۆی تەقینەوە نارنجۆکێک لە گوندی حاسڵی قەزای شارەزوور سێ ئەندامی یەک خێزان بریندار بوون، پاش گەیاندنیان بە بەشی فریاکەوتنی نەخۆشخانەکەمان و چارەسەری سەرەتایی دواتر رەوانەی فریاکەوتنی سلێمانی کران".

ناوبراو ئاماژەی بەوەشکرد "بریندارەکانی باوکێک و کچێک و کوڕێکن، باوکەکە تەمەنی 44 ساڵە و کچەکە ‌هەشت ساڵانە و کوڕەکە 20 ساڵە، هەروەها بریندارەکان هۆشیان هەبووە و هیچ ئەندامێکی جەستەیان لە دەست نەداوە".

س.س