مەودا میدیا- 

وەزارەتی گەنجینەی ئەمەریکا ئاشکرای کرد سزای بەسەر فالح فەیاز، سەرۆکی دەستەی حەشدی شەعبی دەسەپێنن بە تۆمەتی پێشێلکردنی مافی مرۆڤ و سەرکوتکردنی خۆپیشاندانەکانی ساڵی 2019.

بەپێی هەواڵێکی ماڵپەڕی سۆمەریە نیوز، ئەمڕۆ هەینی 8ی کانونی دووەمی 2021 وەزارەتی گەنجینەی ئەمەریکا بڕیاریدا سزا بەسەر فالح فەیاز، سەرۆکی دەستەی حەشدی شەعبی بسەپێنێت، وەک وەزارەتەکە ئاماژەی پێداوە "فالح فەیاز تۆمەتبارە بە پێشێلکردنی مافی مرۆڤ و سەرکوتکردنی خۆپیشاندانەکانی ساڵی 2019".

وەزارەتی گەنجینەی ئەمەریکا ئەوەشی خستووەتەڕوو "حەشدی شەعبی دەیەوێت ئەو چالاکوانان و ئەو کەسانەی بانگەشەی هەڵبژاردنێکی پاک دەکەن سەرکوت بکات و دووریان بخاتەوە لە گۆڕەپانەکە".

س.س