کۆڵبەرێک لە کاتی کۆڵبەریدا بریندار دەکرێت

کوردستانی

کۆڵبەرێک لە کاتی کۆڵبەریدا بریندار دەکرێت

مەودا میدیا - سلێمانی | 2021/01/14

مەودا میدیا-

رێکخراوی مافی مرۆڤی هەنگاو رایدەگەیەنێت کۆڵبەرێکی خەڵکی نەوسوود بە تەقەی راستەوخۆی هێزە چەکدارەکانی ئێران لە سنووری پارێزگای کرماشان بە سەختی برینداربووە.

بەپێی هەواڵێکی بڵاوکراوەی رێکخراوی مافی مرۆڤی هەنگاو، بەرەبەیانی ئەمڕۆ پێنجشەممە 14ی کانونی دووەمی 2021 هێزە چەکدارەکانی ئێران لە چیاکانی نەوسوود، دەستڕێژیان لە کۆمەڵێک کۆڵبەر کردووە، لە ئەنجامدا کۆڵبەرێکیان بە سەختی بریندار کردووە.

پەیامنێری هەنگاو لە نەسوود رایگەیاندووە "بەهۆی تەقەی راستەوخۆی هێزە چەکدارەکانی ئێرانەوە، لاوێک بە ناوی (ئاریا خالیدی) خەڵکی گوندی نروێ سەر بە شاری نەوسوود بە سەختی بریندار بووە و بۆ چارەسەری پزیشکی گوازراوەتەوە بۆ کرماشان".

س.س