مەودا میدیا-

مەسعود بارزانی سەرۆکی پارتی دیموکراتی کوردستان لەگەڵ چەند پەرلەمانتارێکی عەرەب و پارێزگاری سەلاحەددین کۆبوویەوە.

بەگوێرەی راگەیەنراوی کۆبوونەوەکە، مەسعود بارزانی جەختی لە هەماهەنگی لەگەڵ ئەو پەرلەمانتارانە و پارێزگارەکە کردووەتەوە لە پرۆسەی سیاسیی عیراقدا.

ئاماژە بەوەشکراوە "لە دیدارەكەدا بیروڕا لەبارەی پڕۆسەی سیاسیی عیراق و كێشەكانی نێوان هەرێم و بەغدا و هەروەها بارودۆخی پارێزگاكانی ناوەڕاستی عیراق ئاڵوگۆڕ كرا".

لە راگەیەنراوەکەدا هاتووە، کە ئەوانەی لە کۆبوونەوەکەدا بەشداربوون بریتین لە؛ قوتەیبە ئەلجبووری سەرۆكی لیژنەی تەندروستی و ژینگە، موسەننا ئەلسامەرائی سەرۆكی لیژنەی دارایی ئەنجوومەنی نوێنەرانی عیراق و عەمار جەبر ئەلجبووری پارێزگاری سەلاحەددین.

ب.م