مەودا میدیا- سازگار ئەحمەد

بەڕێوەبەری گشتیی بەنداو و کۆگاکانی ئاو لە وەزارەتی کشتوکاڵ و سەرچاوەکانی ئاوی حکومەتی هەرێمی کوردستان رایدەگەیەنێت 17 پرۆژەی بەنداو کە کاریان تیادا کراوە لە ئێستادا کارەکانیان راوەستاوە، ئاماژە بەوەشدەکات بۆ ساڵی 2021 پلان و پرۆژەی نوێیان هەیە.

ئەکرەم ئەحمەد، بەڕێوەبەری گشتیی بەنداو و کۆگاکانی ئاو لە وەزارەتی کشتوکاڵ و سەرچاوەکانی ئاوی حکومەتی هەرێمی کوردستان بە مەودا میدیای راگەیاند "بۆ ساڵی 2021 پلان و پرۆژەی نوێمان هەیە، بەڵام تاوەکو ئێستا هیچمان نەکردووە بە نوسراو و پێشکەشی وەزارەتی پلاندانانی حکومەتی هەرێمی کوردستانمان نەکردووە".

بەڕێوەبەری گشتیی بەنداوەکان ئەوەشی خستەڕوو "17 پرۆژەی بەنداو کە کاریان تیادا کراوە لە ئێستادا کارەکانیان راوەستاوە، بڕیار دراوە کە پارە دابین بکرێت و 11 پرۆژەیان بکەوێتەوە کار، بەڵام تاوەکو ئێستا بڕیار نەدراوە".

س.س