مەودا میدیا- 

دوێنێ شەممە 13ی شوباتی 2021 لیژنەی باڵای تەندروستی و رووبەڕووبوونەوەی کۆرۆنا لە عیراق کۆبووەوە پرسی خوێندنیان تاوتوێ کرد و بڕیار درا خوێندن بکرێت بە ئەلیکترۆنی، بەهۆی بەرزبوونەوەی ژمارەی تووشبووانی کۆرۆنا لە عیراق.

لیژنەی باڵای تەندروستی و رووبەڕووبوونەوەی کۆرۆنا لە عیراق لە راگەیەندراوێکدا ئاشکرای کرد "لە 13ی شوباتی 2021 لیژنەی باڵای تەندروستی و رووبەڕووبوونەوەی کۆرۆنا لە عیراق بڕیاریدا خوێندنی قوتابخانەکان و زانکۆ و پەیمانگەکان لە 18ی شوبات تاوەکو 8ی ئایار بەشێوەی ئەلیکترۆنی بێت".

ئاماژەی بەوەشکردووە "لە دوای ئەو کاتەوە تاقیکردنەوەکان ئەنجام دەدرێت، بەڵام ئەگەر گرفتێک دروستبوو ئەوا تاقیکردنەوەی قوتابخانە و زانکۆ و پەیمانگەکان دوادەخرێت".

س.س