مەودا میدیا-

وەزیری تەندروستیی عیراق تۆمارکردنی چەند حاڵەتێکی جۆرە نوێیەکەی کۆرۆنای ئاشکرا کرد و ئاماژەی بەوەش کرد ئەم جۆرە نوێیەی کۆرۆنا خێرایە لە بڵاوبوونەوە و  داوا لە عیراقییەکانیش دەکات بەتەواوی پابەندبن بە رێکارەکانی خۆپارێزی.

 حەسەن تەمیمی، وەزیری تەندروستیی عیراق ئەمڕۆ دووشەممە 15/2/2021بە میدیا عیراقییەکانی وت "چەند حاڵەتێکی تووشبوون بە کۆرۆنای گۆڕاو لە عیراق تۆمارکراوە، دوای ئەوەی پشکنینەکانیان نێردراوە بۆ تاقیگەکانی تایبەت بە پشکنینی ئەو ڤایرۆسە ئاشکرابوون کۆرۆنای گۆڕاون".

وەزیری تەندروستیی عیراق "ئەم جۆرە نوێیە بەشێوەیەکی گشتی تووشی منداڵانیش دەبێت و ژمارەیەک لە منداڵانیشمان تۆمارکردووە کە تووشی ڤایرۆسەکە بوون".

ک. ر