مەودا میدیا-

ئەندامێکی لیژنه‌ى په‌روه‌رده‌ و خوێندنى باڵاو توێژینەوەی زانستی لە پەرلەمانی کوردستان رایگەیاند لە ئەگەری بڵاوبوونەوەی کۆرۆنادا خوێندن دەبێتەوە بە ئۆنلاین و باسی ئەوەش دەکات وەزارەتی پەروەردە و تەندروستی بڕیاری راگرتنی خوێندن دەدەن.

فەرید یە‌عقوب، ئەندامی لیژنه‌ى په‌روه‌رده‌ و خوێندنى باڵاو توێژینەوەی زانستی لە پەرلەمانی کوردستان بە مەودا میدیای وت "وەزارەتی پەروەردە و تەندروستیی هەرێمی کوردستان لەکاتی بڵاوبوونەوەی کۆرۆنا و هاتنی شەپۆلێکی دیکە بڕیاری راگرتنی خوێندنی ناو پۆل دەدەن".

ئەو ئەندامەی لیژنه‌ى په‌روه‌رده‌ و خوێندنى باڵاو توێژینەوەی زانستی لە پەرلەمانی کوردستان وتیشی "لە ئەگەری بڵاوبوونەوەی کۆرۆنادا خوێندن راناگیرێت و بەردەوام و دەبێت و دەکرێتە ئۆنلاین".

 لە كۆبوونه‌وه‌ی لیژنه‌ى په‌روه‌رده‌ و خوێندنى باڵاو توێژینەوەی زانستی په‌رله‌مانی كوردستان کە رۆژی دووشەممە 15/2/2021 بەڕێوەچوو سێ لیژنەى لاوه‌كی پێكهێنرا بۆ بەدواداچوون لەسەر به‌رده‌وامیى پرۆسەى خوێندن و بۆ ئه‌و مه‌سته‌ش لیژنه‌كان سەردانى هەریەک لە بەڕێوەبەرایەتیىه‌ گشتییه‌كانیى پەروەردەى هەولێر، دهۆک و سلێمانى و هەڵەبجە ده‌کەن.

ک. ر