مەودا میدیا-

وەزارەتی کارەبای حکومەتی هەرێمی کوردستان هاوڵاتییان ئاگادار دەکاتەوە کە ئەمڕۆ كوژانەوەی گشتی لە داناغاز روویداوە كە بەهۆیەوە توانای بەرهەمهێنانی كارەبا لە هەرێمی كوردستان كەمبووەوە.

لە راگەیەندراوەکەی وەزارەتی کارەبای حکومەتی هەرێمی کوردستاندا هاتووە "كاتژمێر 12:20ی ئەمڕۆ شەممە 20ی شوباتی 2021 كوژانەوەی گشتی لەدانا غاز روویدا كە بەهۆیەوە توانای بەرهەمهێنانی كارەبا لە هەرێمی كوردستان كەمبووەوە". 

ئاماژە بەوەشکراوە "لەئێستادا تیمەكانی كۆمپانیای داناغاز بە سەرپەرشتی وەزارەتی سامانە سروشتییەكان و بەهەماهەنگی لەگەڵ كۆنترۆڵی كارەبای هەرێم لە وەزارەتی كارەبا سەرقاڵی ئاسایكردنەوەی دۆخەكەن".

س.س