مەودا میدیا-


بە‌رێوه‌به‌رایه‌تیى هاتوچۆی پارێزگای سلێمانی بڵاوی كرده‌وه‌، به‌یانی ئه‌مڕۆ رووداوێكی هاتوچۆ  له‌سه‌ر شه‌قامی بازنه‌یی مه‌لیك مه‌حمود روویدا و شەش كه‌س بوونه‌ قوربانی باس لەوەش دەکرێت بۆ ماوەیەک هاتوچۆ لەسەر ئەو شەقامە سەرەکییەی سلێمانی پەکیکەوت.

ئۆتۆمبێلێکی تایبەت لەجۆری تۆیۆتا کامری بەھۆی تیژڕەویەوە خۆیکێشاوە بە پاسێکی نەفەر ھەڵگردا و پاسەکەی وەرگەڕاندوە، هاتوچۆی سلێمانی دەڵێت "رووداوەکە لەسەر شەقامی بازنەیی مەلیک مەحمود نزیک پردی زەرگەتە بووە و  تێیدا چوار سەرنشینی پاسەکە و ھەردو شۆفێرەکە بریندار بوون".

ئەو رووداوە لە شەقامی بازنەی مەلیک مەحمود نزیک بەنزینخانەی بینایی بووە، ئەو سەرنشینانەش قوتابی بوون، بۆ ماوەیەک هاتوچۆ لەسەر ئەو شەقامە سەرەکییەی سلێمانی پەکیکەوت، بەڵام دواتر هاتوچۆ ئاسایی بووەوە.

ک. ر