مەودا میدیا-

وەزارەتی خوێندنی باڵای عیراق ئاشکرای کردووە زیاتر لە 112 هەزار خوێندکاری عیراقی لە زانکۆ ئەهلییەکان  دەخوێنن، ئاماژەی بەوەشکردووە، زانکۆ ئەهلییەکان رۆڵی گرنگیان هەیە.

لە بەیاننامەیەکدا وەزارەتی خوێندنی باڵای عیراق رایگەیاندووە "زیاتر لە 112 خوێندکار لە زانکۆ ئەهلییەکانی عیراق دەخوێنن، ئەوەش وای کردووە  لۆدی سەر زانکۆ حکومیەکان کەم ببێتەوە".

وەزارەتەکە لە بەیاننامەیەکدا ئەوەی خستووەتەڕوو "زانکۆ ئەهلییەکان رۆڵی گرنگیان هەیە لە پێشخستنی بواری زانست لە عیراقدا و  هەر ئەمساڵ 3243 کورسی خوێندنی خۆڕاییان بۆ  خوێندکارە  یەکەمەکانی عیراق  دابین کردووە، ئەوەش وای کردووە بە هەزاران خوێندکاری خاوەن نمرەی بەرز سوود لە خوێندنی بێبەرانبەری زانکۆ ئەهلییەکان ببینن".

س.س