مەودا میدیا- سازگار ئەحمەد

بەڕێوەبەری گشتیی ئاو و ئاوەڕۆی هەرێمی کوردستان رایدەگەیەنێت ئەنجومەنی وەزیرانی هەرێمی کوردستان بڕیاری داشکاندنی قەرزی هاوبەشەکانی ئاوی لە هەرێمی کوردستان درێژکردەوە بۆ ماوەی مانگێکی دیکە.

ئاری ئەحمەد، بەڕێوەبەری گشتیی ئاو و ئاوەڕۆی هەرێمی کوردستان بە مەودا میدیای راگەیاند "لە ماوەی شەش مانگی ساڵی رابردوودا بڕیاری داشکاندنی قەرزی هاوبەشەکانی ئاو لە هەرێمی کوردستان جێبەجێکرا، لەسەر داواکاری وەزارەتی شارەوانی و گەشتوگوزاری حکومەتی هەرێمی کوردستان ئەنجومەنی وەزیرانی هەرێمی کوردستان بڕیاری لێخۆشبوون لە قەرزی ئاوی هاوڵاتییان بە رێژەی لە 15% بۆ 31ی ئازاری 2021 درێژکرایەوە".

ئاماژەی بەوەشکرد "سەرجەم بەڕێوەبەرایەتییەکانی ئاو بە نوسراو ئاگادار کراونەتەوە، هەروەها لەبەرئەوەی هاوڵاتییان سوودیان لەو بڕیارە زۆر بینی وە هەوڵدەدەین داوای ئەوە بکەین ماوەکەی زیاتر درێژ بکرێتەوە".

س.س