مەودا میدیا- 

وەزارەتی تەندروستیی حکومەتی هەرێمی کوردستان ئاشکرای کرد ئەمڕۆ ڤاکسینی دژی ڤایرۆسی کۆڕۆنا دەگاتە هەرێمی کوردستان و لەلایەن وەزیری تەندروستیی حکومەتی هەرێمی کوردستانەوە لە بازگەی شێراوە وەردەگیرێت.

لە راگەیەندراوێکدا وەزارەتی تەندروستیی حکومەتی هەرێمی کوردستان ئاشکرای کرد "ئەمڕۆ سێشەممە 2ی ئازاری 2021 کاتژمێر 4:30 خولەک ڤاکسینی دژی ڤایرۆسی کۆرۆنا دەگاتە هەرێمی کوردستان".

ئاماژە بەوەشکراوە "ئێستا دوای نیو کاتژمێری دیکە لە دەروازەی هەولێر نزیگ بازگەی شێراوە لەلایەن د. سامان بەرزنجی، وەزیری تەندروستی وەردەگیرێت و پێشوازی لێدەکرێت".

ئەمەش لە کاتێکدایە، شەوی رابردوو یەکەم کاروانی ڤاکسینی کۆرۆنا گەیشتە عیراق، هەروەها ئەمڕۆش یەکەم کەسی عیراقی کە ڤاکسینەکەی وەرگرت کارمەندی تەندروستییە.

س.س