مەودا میدیا-


کەشناسیی هەرێمئ کوردستان رایدەگەیەنیت  رایگەیاند، ئەمڕۆ و سبەىنێ هەینى تاوەکو دواى نیوەڕۆ ئاسمان هەور دەبێت و بارانبارین دەبێت، باس لەوەش دەکات سبەینێ ئەگەری تەرزە بارین لە ناوچە شاخاوییەکان و بەفر بارین هەیە.

کەشناسیی و بومەلەرزەزانی هەرێم دەڵێت 'سبەینێ هەینی لە دواى نیوەڕۆوە بارانبارین تا رادەیەک کۆتایى دێت لە زۆربەى ناوچەکان و پلەکانى گەرما بۆ چەند پلەیەک روو لە نزمبوونەوە دەکات، ئەگەرى تەزرە بارین هەیە لە هەندێک ناوچەدا.

دەشڵێت "ئەمڕۆ ئاسمان نیمچە هەور دەبێت و هەندێک کات دەگۆڕێت بۆ هەورى تەواو لەگەڵ بارینى باران و لەهەندێک کاتدا و لە ئێوارەدا ئاستى بارانبارین زیاتر دەبێت و لە ناوچە شاخاوییەکان ئاستى باران زیاتر دەبێت".

 بەپێی پێشبینییەکانی کەشناسی، ئەمڕۆ لە ھەولێر بەرزترین پلەی گەرما 17 پلە و نزمترین 11 پلە دەبێت، لە سلێمانی 18 بە هەشت پلە دەبێت و دھۆک 17 بە 10 پلە دەبێت و کەرکوک 22 بە 11 پلە دەبێت.

سبەی، لە ھەولێر بەرزترین پلەی گەرما، 15 پلە و نزمترین هەشت پلە دەبێت، لە سلێمانی 15 بە شەش پلە، دھۆک 14 بە شەش  دەبێت، لە کەرکوکیش 19 بە هەشت پلە دەبێت.

ک. ر