مەودا میدیا-

بەرێوەبەرایەتیی ئاسایشی پارێزگای سلێمانی سزادانی سێ کەسی لەلایەن دادگای تاوانەکانی سلێمانی/3 رایگەیاند، تاوانبارەکان لە رەگەزی نێرن و یەکێکیان بە ھەشت مانگ زیندانی و غەرامەکردنی 450 ھەزار دینار سزادراوە.

لە راگەیەندراوێکی بەرێوەبەرایەتیی ئاسایشی پارێزگای سلێمانییدا هاتووە "بەمەبەستی نەھێشتن و بنبڕکردن و بازرگانی پێکردنی ھەموو جۆرە مادەیەکی ھۆشبەر و ھەر جۆرە کارێکی نایاسایی، ھێزەکانمان توانیان لە رۆژی  8ی ئەیلولی 2020 و رۆژی  3ی تشرینی یەکەمی 2020  بەبڕیاری دادوەر، لەپارێزگای سلێمانی سێ کەس دەستگیر بکەن، بەپێی ماددەی (14 مخدرات)".

لە راگەیەندراوەکە ئەوەشھاتووە "لەلایەن دادگای تاوانەکانی سلێمانی /3 ، لە رۆژانی 23ی شوباتی 2021 تا رۆژی 2ی ئاداری 2021 سزادران، کە ھەر سێ تاوانبارەکە لە رەگەزی نێرن و یەکێکیان بە ھەشت مانگ زیندانی و غەرامەکردنی 450 ھەزار دینار سزادراوە.

 ئاسایشی  سلێمانی "دووان لە تاوانبارەکان بە شەش مانگ زیندانی و غەرامەکردنی 450 ھەزار دینار سزادراون".

ک. ر