مەودا میدیا-

پاپا فرانسیس، پاپای ڤاتیكان گه‌یشته‌ شاری هه‌ولێری پایته‌ختی هەرێمی کوردستان له‌لایه‌ن نێچیرڤان بارزانی، سه‌رۆكی هه‌رێمی كوردستان و مه‌سرور بارزانی، سه‌رۆكی حكومه‌تی هه‌رێمی كوردستان له ‌فڕۆكه‌خانه‌ی نێوده‌وڵه‌تیی هه‌ولێر پێشوازی لێكرا.

ئەمڕۆ لەشاری هەولیر گه‌وره‌ترین مه‌راسیمى ئایینى بۆ پاپا له یاریگای فره‌نسۆ هه‌ریری لە هه‌ولێر ئەنجام دەدریت، له‌و مه‌راسیمه‌دا ئەوەی تۆمارکراوە زیاتر له‌ 200 ئاژانسی هه‌واڵی جیهانی و كوردستانی و عیراقی رووماڵی سه‌ردانیه‌كه‌ ده‌كه‌ن.

دوای دیدارەکە پاپا لەڕێگەی فڕۆکەوە دەچێتە پارێزگای موسڵ ‌و دواتر سەردانی قەرەقوش دەکات ‌و دوای ئەنجامدانی مەراسیمێکی ئایینی دەگەڕێتەوە شاری هەولێر، لە یاریگای فرانسۆ هەریری مەراسیمێکی فراوان سازدەکرێت ‌و پاشان دەگەڕێتەوە بەغدا.

ک. ر