مەودا میدیا-

فەرمانبەران لە چاوەڕوانی دابەشکردنی مووچەی مانگی ئازاردان، بڕیارە لە دوای تەواوبوونی پشووەکانی نەورۆز وەزارەتی دارایی و ئابووریی حکومەتی هەرێمی کوردستان دەست بە دابەشکردنی مووچەی مانگی ئازار بکات.

سەرچاوەیەکی تایبەت لە وەزارەتی دارایی و ئابووریی حکومەتی هەرێمی کوردستان بە مەودا میدیای راگەیاند "بڕیارە لە دوای تەواوبوونی پشووەکانی نەورۆز لە 25ی ئازاری 2021 دەست بە دابەشکردنی مووچەی مانگی ئازاری فەرمانبەرانی هەرێمی کوردستان دەکرێت".

لەبارەی رێژەی لێبڕینی مووچە بۆ مانگی ئازار ئەو سەرچاوەیە ئاماژەی بەوەشکردووە "بەهەمان شێوەی مانگەکانی رابردوو رێژەی لێبڕینی مووچەی مانگی ئازار لە 21% دەبێت".

س.س