مەودا میدیا-

ئاسایشی رۆژئاوایی سلێمانی لە راگەیەندراوێکدا دەستگیرکردنی سێ کەسیان  بەتۆمەتی تەقەی هەڕەمەکی و  دروستکردنی ترس و دڵەڕاوکێ لای هاوڵاتییان ئاشکراکرد. 

 ئاسایش لە راگەیەنراوەکەیدا راشیگەیاندووە "ئەو سێ کەسە سەرلەبەیانی ئەمڕۆ 13ی ئازاری 2021 کاتژمێر 10:30 خولەک لە سەر رێگەی نێوان چەمچەماڵ - تەکیەی  تەقەی هەڕەمەکی دەکەن و لەو کاتەدا هێزەکانمان دەگەنە سەریان و دەستگیریان دەکەن"

ئاسایشی سلێمانی ئاشکراشیکردووە "تۆمەتبارەکان دانیشتووی کەرکوک و ناحیەی پیرەمەگرون و قەزای چەمچەماڵن و بە مادەی 21ی چەک راگیراون و ئۆتۆمبێل و چەکەکانیشیان دەستی بەسەرداگیراوە".

س.س