مەودا میدیا-

بەرەبەیانی ئەمڕۆ یەکشەممە بەندکراوێکی کورد کە لە بەندیخانەی ناوەندیی ئورمیە راگیرابوو و سزای سێدارەی بەسەردا سەپابوو، سزاکەی جێبەجێ کرا.

رێکخراوی مافی مرۆڤی هەنگاو بڵاویکردووەتەوە، بەرەبەیانی ئەمڕۆ یەکشەممە 14ی ئازاری 2021 سزای سێدارەی  "ناسر وەلی زاد" خەڵکی بۆکان کە rۆژی ڕابردوو بە مەبەستی جێبەجێکرانی سزاکەی بۆ ژووری تاکەکەسی بەندیخانەی ئورمیە گوازابوویەوە جێبەجێ کرا.

ناسر وەلی زاده تەمەن 33 ساڵە و خەڵکی بۆکانە، شەش ساڵ پێش ئێستا بە تۆمەتی کوشتنی ئەنقەست دەستبەسەر کرا و سزای سێدارەدانی بەسەردا سەپا، لەوکاتەوە لە بەندی 1_2ی بەندیخانەی ئورمیە راگیرابوو.

س،س